UDUPI: ಪಡುಕೆರೆ ಬೀಚ್ ನಲ್ಲಿ ಎಚ್ಚರಿಕೆ ಬ್ಯಾನರ್...!!!

ಉಡುಪಿ: ಉಡುಪಿಯ ಪಡುಕರೆ ಕಡಲತೀರಕ್ಕೆ ಬರುವ ಪ್ರವಾಸಿಗರು, ರಾತ್ರಿ ವೇಳೆ ಕೂಡ ಪಡುಕರೆ ತೀರದಲ್ಲಿ ತಿರುಗಾಡುತ್ತಾ, ಕುಳಿತು ಹರಟೆ ಹೊಡೆಯುತ್ತಾ ಇರುತ್ತಾರೆ. ಸ್ಥಳೀಯರು ಪೊಲೀಸರಿಗೆ ಈ‌ ಬಗ್ಗೆ ಮಾಹಿತಿ ನೀಡಿದ್ದರೂ ಪ್ರಯೋಜನವಾಗಲಿಲ್ಲ. ಇದರಿಂದಾಗಿ ಕೆರಳಿರುವ  ಕೆಲ ಸ್ಥಳೀಯರು ರಾತ್ರಿ ವೇಳೆ ಪಡುಕರೆ ಪರಿಸರದಲ್ಲಿ ತಿರುಗಾಡುದನ್ನು ನಿಷೇಧಿಸಿ ಎಚ್ಚರಿಕೆಯ ಬ್ಯಾನರ್ ಅಳವಡಿಸಿದ್ದರು. 

ಪಡುಕರೆಯ ಸಾಂಸ್ಕೃತಿಕ ಪರಂಪರೆಯನ್ನು ಉಳಿಸುವ ದೃಷ್ಟಿಯಿಂದ, ನಾವು ನಿರ್ಣಯವೊಂದನ್ನು ಸ್ವೀಕರಿಸಿದ್ದು ಮಟ್ಟುವಿನಿಂದ ಶಾಂತಿನಗರದವರೆಗೆ ರಾತ್ರಿ ಗಂಟೆ 8:00ರಿಂದ ಬೆಳಗ್ಗೆ 6:00ರ ತನಕ ಯಾವುದೇ ಪ್ರವಾಸಿಗರು ಊರಿನಲ್ಲಿ ತಿರುಗಾಡುವುದು, ಬೀಜ್‌ನಲ್ಲಿ ಕೂರುವುದು ಕಡ್ಡಾಯವಾಗಿ ನಿಷೇದಿಸಲಾಗಿದೆ. ಈ ನಿಯಮವನ್ನು ಉಲ್ಲಂಘಿಸಿದಲ್ಲಿ ಮುಂದಾಗುವ ಯಾವುದೇ ಪ್ರತಿಕ್ರಿಯೆಗಳಿಗೆ ಊರಿನವರು ಹೊಣೆಯಾಗಿರುವುದಿಲ್ಲ ಅಂತ ಬ್ಯಾನರ್‌ನಲ್ಲಿ ಬರೆದಿದ್ದರು. ಈ ಬಳಿಕ ಬ್ಯಾನರ್ ಬಗ್ಗೆ ಪರ ವಿರೋಧ ಮಾತುಗಳು ಕೇಳಿ ಬಂದಿದ್ದವು. 

ಸದ್ಯ ನಿನ್ನೆ ಪಡುಕರೆಯಲ್ಲಿ ಪೊಲೀಸರು ಸಭೆ ನಡೆಸಿ, ಸ್ಥಳೀಯರನ್ನು ವಿಶ್ವಾಸಕ್ಕೆ ತೆಗೆದುಕೊಂಡು, ಮುಂದಿನ ದಿನಗಳಲ್ಲಿ ಪ್ರವಾಸಿಗರಿಂದ ತೊಂದರೆ ಆಗದಂತೆ ನೋಡಿಕೊಳ್ಳುದಾಗಿ ಭರವಸೆ ನೀಡಿದ್ದರು. ಅಲ್ಲದೇ ರಾತ್ರಿ ವೇಳೆ ಹೆಚ್ಚಿನ ಪೊಲೀಸ್ ಬೀಟ್ ಹಾಕೋದಾಗಿ ಪೊಲೀಸರು ಸ್ಥಳೀಯರಿಗೆ ತಿಳಿಸಿದ್ದಾರೆ.